Բովանդակություն
Ինչո՞ւ է սա կարևոր
- Որոշ ծառայություններ թվայնացված են, սակայն առցանց հարթակում շարունակում են օգտագործվել դիմումների թղթային ձևերը։
- Այդ ձևերն առցանց հարթակում նույնությամբ կրկնօրինակելը կարող է օգտատիրոջ համար ավելի բարդացնել ծառայությունից օգտվելու և հայտը ներկայացնելու գործընթացը։
- Օգտատիրոջ լավագույն փորձառությունն ապահովելու համար առցանց ձևերը պետք է լինեն պարզ և արդեն իսկ նախալրացված շտեմարաններում առկա տվյալներով։
Ինչպե՞ս կիրառել
- Դիմումների թղթային ձևերն առցանց հարթակում մի կրկնօրինակեք:
- Հետևեք առցանց ձևերի կազմման ուղեցույցին։
- Թվային ծառայությունը մշակելիս հստակեցրեք, թե ինչ տվյալներ են անհրաժեշտ։
- Ապահովեք տվյալների ինքնաշխատ ստացումը տարբեր շտեմարաններից, իսկ տվյալի պատասխանատուի մասին տեղեկություններ կարող եք ստանալ տվյալների կատալոգի միջոցով։
- Շատ դեպքերում դիմումի ձևն իրավական ակտի մաս է կազմում, ուստի եթե ցանկանում եք այն փոփոխել, նախապես պարզեք՝ օրենքներում կամ այլ իրավական ակտերում փոփոխություն կատարելու կարիք կա, թե ոչ:
- Օգտատիրոջը միշտ տրամադրեք հստակ տեղեկատվություն այն մասին, թե ինչ է տեղի ունենալու առցանց հայտը ներկայացնելուց հետո, օրինակ՝ երբ է նա ստանալու հայտի պատասխանը, ինչպես է տեղեկացվելու իր հայտի կարգավիճակի մասին և այլն։
- Հայտի առցանց ձևերը թեստավորեք օգտատերերի հետ, որպեսզի համոզվեք, որ նրանք կարողանում են հեշտությամբ կիրառել դրանք։
Մեկնաբանություններ
ՇՄ նախ-ն՝ Ռոզա Հովհաննիսյան on 2023-08-10 10:24:47
Ուղեցույց մշակող թիմ on 2023-08-28 19:10:04