Մատչելիության հայտարարության ձևանմուշ

Մատչելիության հայտարարությունը հրապարակվում է .gov.am տիրույթում տեղակայված կայքերում և ենթադոմեյնների համար կիրառելի չէ:

Ստորև ներկայացված է մատչելիության հայտարարության ձևանմուշ, որը կօգնի ճիշտ կազմել համապատասխան փաստաթուղթը ձեր կայքի համար։

[*Եթե հայտարարությունը նախատեսված է բջջային հավելվածի համար, օգտագործեք «բջջային հավելված» բառերը՝ «վեբ կայք»-ի փոխարեն. 

• վեբ կայքի մատչելիության հայտարարությունը հրապարակեք որպես սովորական HTML էջ,
• համոզվեք, որ մատչելիության հայտարարությունը ներկայացված է կայքի գլխավոր և մյուս բոլոր էջերում՝ որևէ հիմնական մասում, օրինակ՝ էջի ստորադրում (footer),
• բջջային հավելվածների մատչելիության հայտարարությունը հասանելի դարձրեք ձեր կայքի հավելվածների շտեմարանում,
• համոզվեք, որ հայտարարությունը կազմված է բոլորին մատչելի ձևաչափով]:

Բաժին 1․ [Վեբ կայքի անվանումը]-ի մատչելիության հայտարարություն

[*Սկսեք այն վեբ կայքերի կամ բջջային հավելվածների համառոտ նկարագրությամբ, որոնց վերաբերում է մատչելիության հայտարարությունը:

Դուք կարող եք ունենալ մատչելիության մեկ հայտարարություն մեկ կամ մի քանի դոմեյնների կամ մեկ ենթադոմեյնի համար: Հայտարարության նպատակը օգտատերերին վեբ կայքի մատչելիության վերաբերյալ բավարար տեղեկատվության տրամադրումն է:]

Մատչելիության սույն հայտարարությունը վերաբերում է [նշեք հայտարարության շրջանակը, օրինակ՝ այն վեբ կայքը կամ դոմեյնը, որտեղ կիրառվելու է հայտարարությունը]:

[*Այստեղ ներկայացրեք ընդհանուր համառոտ հայտարարություն՝ նկարագրելով, թե վեբ կայքն ինչ հնարավորություններ է տալիս հաշմանդամություն ունեցող անձանց: Եթե նշելու որևէ կոնկրետ փաստ չկա, այս հատվածն ամբողջությամբ բաց թողեք:]

Տվյալ վեբ կայքը ստեղծել է [պետական մարմնի անվանումը]: Մեր նպատակն է վեբ կայքը հասանելի դարձնել հնարավորինս շատ մարդկանց:

Դուք պետք է կարողանաք՝

• մեծացնել էկրանի չափսերը մինչև 200%՝ տեքստն էկրանից դուրս չթողնելով, 
• ամբողջովին օգտվել կայքից՝ գործածելով միայն ստեղնաշար,
• ամբողջովին օգտվել կայքից՝ գործածելով խոսքը ճանաչող ծրագրեր,
• էկրանի ընթերցիչներով լսել կայքի հիմնական բովանդակությունը:

[*Կայքում էկրանընթերցիչների կիրառությունը այժմ փորձարկման փուլում է: Գույները և գունային հակադրությունները ստեղծված են WCAG 2.1 AA ստանդարտներին համահունչ։]

[Պետական մարմնի անվանումը] պարտավորվում է ապահովել իր կայքի մատչելիությունը՝ համաձայն թվայնացման սկզբունքների։ 

Բաժին 2․ Որքանո՞վ է այս կայքը մատչելի

[*Այս բաժինն օգտագործեք` հաշմանդամություն ունեցող անձանց տեղեկացնելու հետևյալի մասին. 

• ինչպես շրջանցել կայքի որևէ բաղադրիչ,
• այլընտրանքային ինչպիսի տարբերակներից օգտվել՝ իրենց սարքերը կիրառելու փորձերի վրա ավելորդ ժամանակ ծախսելու փոխարեն:]

Վեբ կայքի որոշ մասեր ամբողջությամբ մատչելի չեն, օրինակ՝ 

• տեքստն ամբողջությամբ չի տեղավորվի մեկ սյունակում, երբ դուք փոխեք դիտարկչի պատուհանի չափսերը,
• առկա են pdf և zip ֆորմատներով որոշ ֆայլերի հղումներ, որոնք հաճախ հասանելի չեն էկրանընթերցիչներին, 
• դուք չեք կարող ձևափոխել տողերի բարձրությունը կամ տեքստի բացատները,
• էկրանընթերցիչ օգտագործելիս դուք չեք կարող անցում կատարել դեպի գլխավոր էջ,
• կայքում այժմ կիրառելի չեն խոսքը ճանաչող սարքերը,
• կան տեսանյութեր, որոնք ենթագրեր չունեն, 
• հետադարձ կապի էջի քարտեզը մեծացնելու հնարավորությունը սահմանափակ է,
• առցանց ձևանմուշի միայն մի մասն է նավարկվում ստեղնաշարի միջոցով:

Բաժին 3․ Ոչ մատչելի բովանդակություն

Եթե վեբ կայքն ամբողջությամբ համապատասխանում է WCAG 2.1 AA  մակարդակին, դուք կարող եք «Ոչ մատչելի բովանդակություն» բաժինը բաց թողնել: Հակառակ դեպքում մի փոփոխեք «Ոչ մատչելի բովանդակություն» բաժնի վերնագիրը կամ այն ձևակերպեք այսպես. «Ստորև ներկայացված բովանդակությունը մատչելի չէ հետևյալ պատճառներով»: Սա պարտադիր պահանջ է:

Մի փոփոխեք «Մատչելիության կարգավորումների անհամապատասխանություններ», «Մեծ ջանքեր պահանջող խնդիրներ» կամ «Բովանդակություն, որը դուրս է մատչելիության կարգավորումների շրջանակից» վերնագրերը․ դրանք նույնպես պարտադիր են:

Սակայն եթե դուք ցանկանում եք թվարկել կոնկրետ խնդիրներ, կարող եք այս ենթաբաժինները ներկայացնել ավելի փոքր մասերով, օրինակ՝ «Արձագանքող կառուցվածք» կամ «Ինտերակտիվ գործիքներ և գործարքներ» և այլն:

Բաժին 4․ Համապատասխանության կարգավիճակ

Այս հատվածում պետք է հստակ ձևակերպեք կայքի մատչելիության համապատասխանության կարգավիճակը՝ ընտրելով 3 տարբերակներից մեկը: Այն պետք է հիմնված լինի ձեր իրականացրած մատչելիության փորձարկումների վրա.

• [Տարբերակ 1. Կայքը լիովին համապատասխանում է WCAG 2.1 AA ստանդարտներին:]
• [Տարբերակ 2. Կայքը մասամբ է համապատասխանում WCAG 2.1 AA ստանդարտներին:]
• [Տարբերակ 3. Կայքը չի համապատասխանում WCAG 2.1 AA ստանդարտներին:]

Եթե ​​կայքը մասամբ է համապատասխանում կամ չի համապատասխանում WCAG 2.1 AA ստանդարտներին, դուք պետք է բացատրեք դրա պատճառը: Հնարավոր պատճառներ կարող են լինել հետևյալը․

• անհամապատասխանություն․ սա նշանակում է, որ խնդրահարույց բովանդակությունը սահմանված կարգավորումների շրջանակում է, սակայն մատչելիության հետ կապված խնդիր կա,
• բացառություններ․ բովանդակությունը կարգավորումների շրջանակից դուրս է, կամ այն մատչելի դարձնելը ձեզանից շատ ջանքեր կպահանջի։

Այս վեբ կայքը մասնակի է համապատասխանում Web Content Accessibility Guidelines version 2.1 AA մակարդակի պահանջներին, քանի որ [գրեք հետևյալ տարբերակներից որևէ մեկը.

• անհամապատասխան մասերը,
• բացառությունները,
• անհամապատասխան մասերը և բացառությունները]:

Բաժին 5․ Մատչելիության կարգավորումների անհամապատասխանություններ

[*տվյալ ենթաբաժնում թվարկեք.

• մատչելիության խնդիրները,
• WCAG 2.1 AA չափորոշիչներից որը չի պահպանվել տվյալ խնդրի պատճառով,
• երբ եք նախատեսում լուծել խնդիրը]:

Այս ենթաբաժնում մի ընդգրկեք այն խնդիրները, որոնք չափազանց մեծ ու չարդարացված ջանքեր ու ծանրաբեռնվածություն են պահանջում, կամ խնդիրը դուրս է մատչելիության կարգավորումների շրջանակից:

Խնդիրները կարող եք ձևակերպել այսպես․

• Որոշ պատկերներ չունեն այլընտրանքային տեքստեր, և էկրանի ընթերցիչներ կիրառող օգտատերերը տեղեկատվություն ստանալ չեն կարող:
• Մենք նախատեսում ենք այլընտրանքային տեքստեր տեղադրել բոլոր պատկերների համար մինչև [նշել ժամկետ]:

Նոր բովանդակություն հրապարակելիս մենք պետք է համոզված լինենք, որ պատկերները կիրառվում են մատչելիության ստանդարտներին համապատասխան:

Բաժին 6․ Մեծ ջանքեր պահանջող խնդիրներ

[*Այս ենթաբաժնում ներկայացրեք մատչելիության այն խնդիրները, որոնց լուծումը ձեր համոզմամբ մեծ ջանքեր ու ռեսուրսներ կպահանջի:

Հիշեք, որ այն, ինչը տվյալ պահին մեծ ծանրաբեռնվածություն է պահանջում, հանգամանքների զարգացումներին զուգահեռ կարող է փոփոխվել։]

Բաժին 7․ Արձագանքող կառուցվածք

Էջի վերադիրում կրկնվող տեղեկատվության բացառումը հնարավոր չէ։

Սարքի դիրքը ուղղահայացից հորիզոնականի փոփոխումը երբեմն կարող է առաջացնել բովանդակության տեսանելիության խնդիրներ։

Տեքստի չափը փոփոխելիս հնարավոր են բովանդակության որոշ մասերի համընկնումներ։

Բաժին 8․ Ինտերակտիվ գործիքներ և գործարքներ

Մեր կողմից մշակված ինտերակտիվ որոշ ձևանմուշներից օգտվելը միայն ստեղնաշարի կիրառմամբ կարող է բարդություններ առաջացնել։

Մեր ձևանմուշները մշակվում և տեղակայվում են երրորդ կողմի ծրագրակազմի միջոցով և պետք է լինեն մեր կայքին համահունչ:

Մենք գնահատել ենք նավարկության (նավիգացիա) և տեղեկատվության հասանելիության, ինչպես նաև ինտերակտիվ գործիքների և գործարքների հետ կապված խնդիրների շտկման արժեքը: Կարծում ենք, որ այժմ այդ խնդիրների լուծումը չարդարացված անհամաչափ ռեսուրսներ կպահանջի։

Մենք կիրականացնենք ևս մեկ գնահատում, երբ մատակարարի պայմանագիրը երկարաձգվի, ինչի նախատեսվող ժամկետը [մոտավոր ժամկետներ]-ն է:

Բաժին 9․ Բովանդակություն, որը մատչելիության շրջանակներից դուրս է

[*Այս ենթաբաժնում թվարկեք մատչելիության այն խնդիրները, որոնք դուրս են մատչելիության կարգավորումների շրջանակից]:

PDF և այլ տեսակի փաստաթղթեր

PDF և Word ձևաչափով մեր որոշ փաստաթղթեր որոշիչ դեր ունեն մեր կողմից ծառայությունների մատուցման գործում: Օրինակ՝ մենք ունենք Word ձևաչափով հրապարակված ձևանմուշներ, ինչպես նաև PDF փաստաթղթեր, որոնք տեղեկատվություն են պարունակում այն մասին, թե մեր ծառայությունները ինչպես կարող են հասանելի լինել օգտատերերին: Մինչև [նշել ժամկետ] մենք նախատեսում ենք կարգավորել այդ փաստաթղթերը կամ դրանք փոխարինել HTML էջերով:

Մատչելիության կարգավորումներով չի պահանջվում պահպանել PDF կամ այլ տեսակի փաստաթղթեր, որոնք հրապարակված են մինչև [նշել ժամկետ], եթե դրանք ծառայությունը մատուցելու տեսանկյունից որոշիչ չեն:

Մեր կողմից հրապարակվող ցանկացած նոր PDF կամ Word փաստաթուղթ պետք է համապատասխանի մատչելիության չափորոշիչներին:

Ուղիղ հեռարձակվող տեսանյութ

Մենք չենք նախատեսում ուղիղ հեռարձակվող տեսանյութերին ավելացնել ենթագրեր, քանի որ մատչելիության պահանջները դրանց չեն վերաբերում:

Բաժին 10․ Կայքի մատչելիության բարելավման աշխատանքներ

[*Մատչելիության բարելավման ճանապարհային քարտեզի հրապարակումը պարտադիր չէ: Կարող եք այն հրապարակել, եթե ցանկանում եք մասնավորեցնել մատչելիության խնդիրների լուծման կարգը, և դրա համար մատչելիության հայտարարությունում համապատասխան բաժին հատկացված չէ։

Մատչելիության մեր ճանապարհային քարտեզը [նշել քարտեզի հղումը], ցույց է տալիս, թե ինչպես և երբ ենք նախատեսում բարելավել այս կայքի մատչելիությունը: 

Բաժին 11․ Հետադարձ կապ

Եթե կայքից օգտվելիս առաջացել են բարդություններ, նկատել եք որևէ խնդիր, որը նշված չէ այս էջում, կամ կարծում եք, որ դա չի համապատասխանում մատչելիության պահանջներին,  տեղեկացրեք մեզ՝

• էլ. փոստով՝ [էլեկտրոնային փոստի հասցե],
• հեռախոսով՝ [հեռախոսահամար],
• սոցիալական ցանցերով [Ֆեյսբուք, Տելեգրամ, Թվիթեր, Ինստագրամ]:

Մենք կդիտարկենք ձեր առաջարկը և կպատասխանենք ձեզ [օրերի թիվը] օրվա ընթացքում:

Բաժին 12․ Այս հայտարարության կազմումը

[*Մի խմբագրեք այս հատվածը․ հայտարարության կազմման ամսաթիվը նշելը պարտադիր է:

• Հայտարարությունը ստեղծվել է [նշեք այն ամսաթիվը, երբ այն հրապարակվել է]:
• Վերջին անգամ վերանայվել է [նշել ամսաթիվը]:
• Վերջին անգամ փորձարկվել է [նշել ամսաթիվը]:
• Փորձարկումն իրականացրել է [գրեք այն կատարող կազմակերպության անվանումը կամ նշեք, որ փորձարկումն ինքներդ եք իրականացրել]:

Մենք կիրառել ենք այս մոտեցումը՝ որոշելու համար, թե որ էջերն է անհրաժեշտ թեստավորել [ավելացրեք հղում՝ հիմնավորելով թեստավորման համար առանձնացված էջերի ընտրությունը]:

[Ձևանմուշներ կազմելիս այս սկզբունքները կիրառելու կարիք չկա, սակայն դուք պետք է հղում կատարեք այն բովանդակությանը, որտեղ նկարագրվում է, թե ինչպես եք թեստավորումներ իրականացրել և ընտրություն կատարել: Եթե ձեր կայքը թեստավորում է աուդիտ իրականացնող երրորդ կողմ, ապա նա պետք է ընդգրկի ձևանմուշ կազմելու մանրամասները, իսկ դուք կարող եք միայն հղում կատարել դրանց]:

Մատչելիության թեստավորման մասին ամբողջական տեղեկատվությունը կարող եք գտնել այստեղ [ավելացրեք հղում]:

Հրապարակված մատչելիության հայտարարության օրինակ կարող եք տեսնել այստեղ։