Ինչո՞ւ է սա կարևոր

Թվային ծառայություններից մարդիկ օգտվում են ամենատարբեր ժամերի և վայրերից, ուստի մշտապես պետք է ապահովել դրանց արագ ու անխափան աշխատանքը և հասանելիությունը բոլոր օգտատերերին։

Ինչպե՞ս կիրառել

  • Իրականացրեք պատշաճ մոնիթորինգ՝ ծրագրային խնդիրները բացահայտելու և դրանց արձագանքելու նպատակով (Մոնիթորինգի համար առաջարկվող գործիքակազմի օրինակներ կարող եք գտնել այս հղումներով՝ Sentry Open source, Prometheus, Grafana, Netdata, Uptime Kuma, նյութերը ներկայացված են անգլերեն),
  • ձեռք բերեք համաձայնություն այն մասին, թե ով է պատասխանատու տեխնիկական աջակցության համար օրվա բոլոր ժամերին, խնդիրները խմբավորեք՝ ըստ առաջնահերթությունների և կազմեք միջադեպերին արձագանքման հստակ ժամանակացույց պատասխանատու թիմի կամ ընկերության հետ (SLA – Service level agreement, նյութը ներկայացված է անգլերեն),
  • տեխնիկականից զատ ապահովեք նաև քաղաքացիներին ընդհանուր աջակցության տրամադրումը, օրինակ, սպասարկման թեժ գծի ծառայության միջոցով,
  • ծրագրային փոփոխություններ կատարելիս ապահովեք համակարգի բնականոն աշխատանքը՝ առանց զգալի ընդհատումների։ Օրինակ՝ ծրագրային փոփոխություններն իրականացրեք այն օրերին կամ ժամերին, երբ ըստ վերլուծական տվյալների՝ ծառայությունից ամենաքիչն են օգտվում,
  • պարբերաբար իրականացրեք որակի ապահովման (QA) թեստավորումներ, ցանկալի է՝ ինքնաշխատ եղանակով (Ծառայության որակի ապահովման ուղեցույցը կարող եք գտնել այստեղ),
  • թեստավորումները կատարեք իրական թվային ծառայությանը հնարավորինս մոտ միջավայրում (test environment)։

Գործիքներ և ձևանմուշներ

Ձեռք բերվող ծառայության տեխնիկական առաջադրանքում ներառվող տեքստեր՝ թվայնացման ստանդարտների պահանջների բավարարման համար