Ինչո՞ւ է սա կարևոր

  • Որոշ ծառայություններ թվայնացվել են, սակայն առցանց հարթակում շարունակում են օգտագործվել դիմումների թղթային ձևերը։
  • Այդ ձևերի անփոփոխ կրկնօրինակումն առցանց հարթակում կարող է օգտատիրոջ համար ավելի բարդացնել և անհարմար դարձնել դրանց կիրառումը։
  • Օգտատիրոջ լավագույն փորձառությունն ապահովելու համար առցանց ձևերը պետք է լինեն պարզ և կիրառելի։

Ինչպե՞ս կիրառել

  • Դիմումների թղթային ձևերն առցանց հարթակում մի կրկնօրինակեք:
  • Հետևեք առցանց ձևերի կազմման ուղեցույցին։
  • Թվային ծառայությունը մշակելիս ուսումնասիրեք հավաքված տվյալներից յուրաքանչյուրի դերը (կարող եք կիրառել տվյալների քարտեզագրման մեթոդը):
  • Եթե այլ պահոցներում առկա տվյալներ եք հավաքում, ապա ապահովեք դրանց անվտանգ ստացումը պահոցի պատասխանատուից։ Այդ նպատակով կարող եք օգտագործել փոխգործելիության հարթակը:
  • Շատ դեպքերում դիմումի ձևն օրենքի մաս է կազմում, ուստի եթե ցանկանում եք այն փոփոխել, նախապես պարզեք՝ օրենքում փոփոխություն կատարելու կարիք կա, թե ոչ:
  • Օգտատիրոջը միշտ տրամադրեք հստակ տեղեկատվություն այն մասին, թե ինչ է տեղի ունենալու դիմումը ներկայացնելուց հետո, օրինակ՝ երբ է նա ստանալու դիմումի պատասխանը, ինչպես է տեղեկացվելու իր դիմումի կարգավիճակի մասին և այլն։
  • Դիմումի առցանց ձևերը փորձարկեք վերջնական օգտատերերի հետ, որպեսզի համոզվեք, որ նրանք կարողանում են հեշտությամբ կիրառել դրանք։

Գործիքներ և ձևանմուշներ

Ձեռք բերվող ծառայության տեխնիկական առաջադրանքում ներառվող տեքստեր՝ թվայնացման ստանդարտների պահանջների բավարարման համար